Me pâ in sêugno ricordâ
i anni verdi de tanto tanto tempo fa
tra figge e mascci in scie 'na ciassa
andämu à zûgâ.
A l'ea 'na stradda tûtta rionda,
niatri Zeneixi ghe dîmu a Rotonda.
Comme l'ea bello con e figgiette
zûgämu à nascundise derrê e banchette
e tra 'na caressa e 'n baxin 'n sciä fronte
u sô cian cianin o tramontava à l'urizunte.
U çê tûtt'assemme o vegniva grixo
e tra u ciæo e o scùo tûtto de corsa
tiavu sciù pe via Nino Bixio.
Arrivòu in ciassa Caignan
tant'æ a-o ballon se metteimu à zûgâ.
E tra cäsci e sponcion
l'ea za tardi, che belinoin!!!
Allöa mi criavu: Figgiêu, anemmu
se no staseja e-e bûschemmu!!!
L'ea zà vegnùo un scùo boia
tûtto de corsa piggiavu a scorciatoia
ä meitæ da ciassa gh'ea 'na scainâ
ch'a me portava in Campo Pisan.
Arrûbatandome tûtto d'asbrïo
arrivavo in ta mæ stradda mëzo sfinïo
a l'ea 'na stradda pinn-a de brïo
a se ciammava Via Madre di Dio.
Arsando i êuggi versu 'n barcon
veddeivo mæ poæ in agitazion...
e co-i sêu scatti e o l'ea arraggiòu
o me criava: "Verghêugna ti ê arriòu?
Mescite ch'a l'é l'öa de çenn-a!
Gh'é têu moæ ch'a l'é in penn-a!"
Quello sant'ommo
o ciammavan o Segnô da Mænn-a
Ma i sêugni e i ricordi
no me-i posso ciù scordâ
a-o mæ chêu gh'an fætu do ben e do mâ.
Pensæ che a mæ Mænn-a l'han sotterâ.
De sorvia gh'han fæto 'na stradda a sovrelevâ
ch'a parte da-o mâ e a va in Ciassa Dante
Se penso à tûtto me ven da cianze.
Ve-o zûo, son parolle sacrosante.
Tra a galleria
scäe e scalin
pövia a mæ Mænn-a
t'han fæto sparî.

Mi sembra un sogno ricordare
gli anni verdi di tanto tempo tempo fa
tra ragazze e ragazzi in una piazza
andavamo a giocare.
Era una strada tutta circolare,
noi genovesi la chiamiamo la rotonda.

Come era bello con le ragazzine
giocavamo a nascondino dietro le panchine
e tra una carezza e un bacino in fronte
il sole pian piano tramontava all'orizzonte.

Il cielo improvvisamente diventava grigio
e tra il chiaro e lo scuro correndo velocemente
andavamo su per via Nino Bixio.
Arrivati in piazza Carignano
ci mettevamo a giocare al pallone.

E fra calci e spintoni
era già tardi, che sciocchi!!!
Allora io gridavo:"ragazzi andiamo
sennò stasera le buschiamo!!!"

Era già diventato buio pesto
e di corsa prendevo una scorciatoia
a metà della piazza c'era una scalinata
che mi portava in Campo Pisano.

Correndo tutto di fretta
arrivavo nella mia strada mezzo sfinito,
era una strada pieno di brio
e si chiamava via Madre di Dio.

Alzando gli occhi verso la finestra
vedevo mio padre in agitazione...
con i suoi scatti...ed era arrabbiato
e mi gridava:"vergogna sei arrivato?

Muoviti che è ora di cenare
che c'è tua madre che è in ansia!"
Quel sant'uomo
lo chiamavano il Signore della Marina

Ma i sogni e i ricordi
non me li posso più dimenticare
al mio cuore hanno fatto del bene e del male
pensate che la mia Marina l'hanno sepolta.

Di sopra hanno fatto una strada
sopraelevata
che parte dal mare e va in piazza Dante
Se penso a tutto questo mi viene da piangere
ve lo giuro,
sono parole sacrosante.

Tra la galleria
scale e scalini
povera la mia Marina
ti hanno fatto sparire.