Un manto de stelle,
a lûnn-a a le pinn-a,
n'a barca co-e veje,
me trêuvo li in çimma
  
   
De poppa 'na Scïa,
in scë onde do mâ,
a lûnn-a a m'amïa,
me pä de sarpâ…
  
   
Un sêugno fantastico
molando o timon,
da 'n doçe risveggio
me trêuvo 'n lampion
me ven da pensâ: ma dovve son?
In Campo Pisan? Che Bellinon!!!
  
Me scappa da rïe!!!
Ma questo veliero o l'é 'n sce 'na ciassa?
Dentro à'n tappeto fæto de prïe:
comme t'ê bello sensa l'erbassa!!!
  
           
O Campo Pisan i têu Zeneixi con amô e umiltæ
t'han misso à nêuo t'ê proprio da 'miâ!
Sti vegi portuali an lauou con tanta voentæ:
Scignori, se passæ de chí dæghe 'n êuggiâ!!!
Questo regallo l'han fæto cö chêu.
An lauou con pale, piccoin, scöpelli e massêu!!!
      
 
 
Un manto di stelle,
la luna è piena,
una barca con le vele,
mi trovo lì sopra.

Di poppa una scia,
sulle onde del mare,
la luna mi guarda,
mi sembra di salpare….

Un sogno fantastico lasciando il timone,
da un dolce risveglio ma trovo un lampione,
mi viene da pensare ma dove sono?
In Campo Pisano? Che sciocco!!!

Mi scappa da ridere!!!
Ma questo veliero è sulla piazza?
Dentro un tappeto fatto di pietre:
come sei bello senza l'erbaccia!!!

Campo Pisano i tuoi genovesi con amore e umiltà
ti hanno messo a nuovo sei proprio da guardare!
Questi vecchi portuali hanno lavorato con tanta volontà:
Signori, se passate di qua dateci un'occhiata!!!
Questo regalo l'hanno fato con li cuore.
Hanno lavorato con pale, picconi, scalpelli e mazzetta!!!